Yangiliklar

Bu ulug' kun biz uchun nafaqat tarixiy sana, balki mustahkam iroda va buyuk marralar sari intilishimizning ramzidir. 

Mustaqilligimiz abadiy bo'lsin!

Hurmatli aksiyadorlar!

“SEMURG INSURANCE” aksiyadorlik jamiyati Sizga o‘z hurmatini izhor etadi va “ SEMURG INSURANCE” AJ aksiyadorlarining yillik umumiy yig‘ilishi 2024-yil 30-iyun kuni Toshkent vaqti bilan soat 11:00 da Toshkent shahri, Yashnobod tumani, Sodiq Azimov ko‘chasi, 50-uy manzilida o‘tkazilishi haqida xabar beradi.

“SEMURG INSURANCE” AJ aksiyadorlari yillik umumiy yig‘ilishini o‘tkazish to‘g‘risida xabardor qilish uchun aksiyadorlar reestrini shakllantirish sanasi – 2024-yil 7-iyun.

Aksiyadorlarning navbatdagi umumiy yig‘ilishida ishtirok etish huquqiga ega bo‘lgan “SEMURG INSURANCE’’AJ aksiyadorlari reestrini shakllantirish sanasi – 2024-yil 25-iyun.

KUN TARTIBI

1. “SEMURG INSURANCE” AJ sanoq komissiyasi a’zolari tarkibini tasdiqlash to‘g‘risida.

2. Aksiyadorlarning yillik umumiy yig‘ilishini o‘tkazish qoidalarini tasdiqlash.

3. Jamiyatning 2023 yildagi faoliyati yakunlari to‘g‘risidagi Bosh direktor hisoboti.

4. Jamiyatning 2023 yildagi faoliyati yakunlari to‘g‘risidagi Kuzatuv kengashi hisoboti.

5. Jamiyatning 2023 yildagi moliya-xo‘jalik faoliyatini tashqi audit natijalari bo‘yicha auditorlik tashkilotining xulosasini tasdiqlash.

6. Jamiyatning 2023 yildagi faoliyati yakunlari bo‘yicha foyda va zararlarini taqsimlash.

7. 2024 yilga mo‘ljallangan tashqi auditorlik tashkilotining O‘zbekiston buxgalteriya hisobi milliy standartlari va Xalqaro moliyaviy hisobot standartlariga muvofiq Jamiyat faoliyatida majburiy auditorlik tekshiruvini o‘tkazishni ta’minlash va uning xizmatlari uchun to‘lovning maksimal miqdorini tasdiqlash.

8. Jamiyat Kuzatuv kengashining 2024 yil uchun xarajatlar smetasini tasdiqlash.

• Kun tartibiga doir qoʻshimcha maʼlumotlarni olish uchun Toshkent sh., Yashnobod tumani, Sodiq Azimov koʻchasi, 50-uy, shuningdek, quyidagi telefon raqami orqali murojaat qilishingizni soʻraymiz:
 + 998 71 205-11-55.

• Yig‘ilishda ishtirok etish uchun ro‘yxatga olish 2024-yil 30-iyun kuni soat 10:30 da boshlanadi.

• Yig‘ilishda ishtirok etish uchun ro‘yxatdan o‘tishda aksiyadorda O‘zbekiston Respublikasi qonunchiligiga muvofiq pasport yoki uning o‘rnini bosuvchi boshqa hujjat, aksiyador vakilida ham tegishli tartibda rasmiylashtirilgan ishonchnoma bo‘lishi kerak.

2023 yil yakunlari bo'yicha “SEMURG INSURANCE” AJ ga STANDART AND SENSITIVE RATINGS reyting agentligi tomonidan AAA- to'lov qobiliyati va ishonchlilik reytingi taqdim etildi.

• Reyting darajasi: maksimal
• Prognoz: barqaror

Reyting darajasining oshishi kompaniyamizning jadal rivojlanayotganini yaqqol namoyon etadi. Mijozlarning ishonchi va qo'llab-quvvatlashi esa bizga bunday yutuqlarga erishishda katta turtki bermoqda.

Biz rivojlanishda va Sizga eng yaxshi sug’urta yechimlarini taqdim qilishda davom etamiz. 

Mamnuniyat bilan shuni ma’lum qilamizki “Semurg Insurane" kompaniyasi sifat menejmenti tizimining ISO 9001:2015 xalqaro standarti talablariga muvofiqligi to‘g‘risidagi sertifikatga ega bo‘ldi.

ISO 9001:2015 sertifikati kompamiyamiz yuridik va jismoniy shaxslarga ilg‘or xalqaro tajribalardan foydalangan holda sug‘urta xizmatlarini ko‘rsatayotganini tasdiqlaydi.

Audit o'tkazish chog'ida barcha asosiy ko'rsatkichlar baholandi va kompaniyada yirik xalqaro moliya tashkilotlari tomonidan qabul qilingan standartlarga javob beruvchi barcha jarayonlar uchun ishonchli boshqaruv tizimi joriy etilganligi tasdiqlandi.

Semurg Insurance Bosh direktori Kadirov R.K. shunday ta’kidladi: “Asosiy maqsadimiz sertifikatni olish emas, balki, xalqaro miqyosda sifatli sug‘urta xizmatlarini ko‘rsatish borasida amalga oshirilayotgan ishlarimizga berilgan joriy bahodir. ISO sertifikati mijozlarimizga har doim kafolatlangan moliyaviy himoya va yuqori sifatli xizmatlar olishga bo'lgan ishonchlarini yanada oshirishga xizmat qiladi.

"Semurg Insurance" rahbariyati, eng yirik xalqaro qayta sug‘urtalovchi kompaniyalar Swiss Re va Europa Re hamda BMT O'zbekiston vakillari o'rtasida rasmiy uchrashuv 6-sentabr kuni Toshkent shahrida bo‘lib o‘tdi. Yig‘ilish chog'ida O‘zbekistonda qishloq xo‘jaligi mahsuoloti yetishtiruvchilari duch keladigan barcha xavf-xatarlardan sug‘urtalash tizimini rivojlantirish chora-tadbirlari muhokama qilindi. Ushbu tizim davlat tomonidan subsidiyalar bilan qo'llab-quvvatlanishi alohida e'tiborga ega. Bu esa tizimni joriy etishdagi birinchi va eng muhim bosqichdir.

Uchrashuv davomida “Semurg Insurance” kuzatuv kengashi raisi Georgiy Lavrishchev bugungi kunda O‘zbekistonda qishloq xo‘jaligini sug‘urtalash bo‘yicha xalqaro miqyosdagi samarali sug‘urta tizimini yaratish uchun katta imkoniyatlar mavjudligini ta’kidllab o'tdi. Joriy etilayotgan tizim nafaqat ushbu sanoatni tabiiy ofatlar oqibatlaridan moliyaviy himoya qiladi, balki yangi moliyalashtirish manbalarini ham yaratadi.

DIQQAT!

barcha sug'urtalanuvchilar, debitorlar va kreditorlarga

"Aktsionerlik Jamiyati «SEMURG SUG'URTA» Qo'shma Korxonasi"

2023 yil 8 sentyabr №22-sonli favqulodda umumiy yig'ilish qarori asosida, o'z sug'urtalanuvchilarimiz, debitorlarimiz va kreditorlarimizni O'zbekiston Respublikasi "Aktsionerlik jamiyatlari to'g'risida va aktsionerlarning huquqlarini himoya qilish to'g'risida"gi 92-modda va "Sug'urta faoliyati to'g'risida"gi 14-modda asosida mulk egalik shaklining o'zgarishi va korxona davlat nomlanishi to'g'risida xabardor qilamiz.

Korxonaning to'liq rasmiy nomi:

• O'zbek tilida (kirill alifbosi): «SEMURG INSURANCE» акциядорлик жамияти;
• O'zbek tilida (lotin alifbosi): «SEMURG INSURANCE» aksiyadorlik jamiyati;
• Rus tilida: Акционерное общество «SEMURG INSURANCE»;
• Ingliz tilida: Joint stock company «SEMURG INSURANCE».

Korxonaning qisqartirilgan nomi:

• O'zbek tilida (kirill alifbosi): «SEMURG INSURANCE» АЖ;
• O'zbek tilida (lotin alifbosi): «SEMURG INSURANCE» AJ;
• Rus tilida: АО «SEMURG INSURANCE»;
• Ingliz tilida: «SEMURG INSURANCE» JSC.

Shuningdek, SP AO «SEMURG SUG'URTA»ning barcha huquq va majburiyatlarini AO «SEMURG INSURANCE» huquqiy vorisi sifatida o'tishi munosabati bilan, barcha hisob-kitoblar AO «SEMURG INSURANCE» tomonidan amalga oshiriladi.

Bizga o'z takliflaringizni yuborishingiz yoki yuqoridagi o'zgarishlar haqida so'rov yuborishingiz mumkin bo'lgan pochta manzillari:

Korxonaning yuridik manzili:   

100047, O'zbekiston Respublikasi, Toshkent shahri, Yashnabod tumani, Sodiq Azimov ko'chasi, 50-uy.

Elektron pochta manzili: info@semurgins.uz

Telefon raqami: +9989 71 205 1155

Call-markaz: 1251

 "Semurg Insurance" rahbariyati, eng yirik xalqaro qayta sug‘urtalovchi kompaniyalar Swiss Re va Europa Re hamda BMT O'zbekiston vakillari o'rtasida rasmiy uchrashuv 6-sentabr kuni Toshkent shahrida bo‘lib o‘tdi. Yig‘ilish chog'ida O‘zbekistonda qishloq xo‘jaligi mahsuoloti yetishtiruvchilari duch keladigan barcha xavf-xatarlardan sug‘urtalash tizimini rivojlantirish chora-tadbirlari muhokama qilindi. Ushbu tizim davlat tomonidan subsidiyalar bilan qo'llab-quvvatlanishi alohida e'tiborga ega. Bu esa tizimni joriy etishdagi birinchi va eng muhim bosqichdir.

 “Semurg Insurance” kompaniyasi rahbariyati 7-8 sentabr kunlari Samarqand shahrida tashkil etilgan "Oziq-ovqat xavfsizligi xalqaro anjumani"da faol ishtirok etdi.
Anjuman Qishloq xo'jaligi vazirligi tomonidan tashkil etildi va unda 70 dan ortiq davlatdan delegatsiya vakillari, yuqori martabali diplomatlar, xalqaro ilmiy va moliyaviy tashkilotlar vakillari ishtirok etdilar.

Anjuman yakuni bo‘yicha O‘zbekistonda qishloq xo‘jaligini rivojlantirish sohasida xalqaro hamkorlik to‘g‘risidagi Samarqand deklaratsiyasi qabul qilindi. Deklaratsiya oilaviy hamda kichik  fermer xo‘jaliklarini davlat darajasida qo‘llab-quvvatlash, ularning ishlab chiqarish, tabiiy va moliyaviy resurslardan foydalanish imkoniyatlarini kengaytirish, jumladan, O‘zbekistonda klaster va dehqon xo‘jaliklarining qishloq xo‘jaligi tavakkalchiligini sug‘urtalashni davlat tomonidan qo‘llab-quvvatlash maqsadlarini tasdiqlaydi.

Uchrashuv davomida “Semurg Insurance” kuzatuv kengashi raisi Georgiy Lavrishchev Samarqand deklaratsiyasining imzolanishi haqida shunday ta'kidladi: “Biz O‘zbekiston agrosanoat tarmog‘ini yangi bosqichga ko‘tarishga sababchi bo'ladigan tadbirda ishtirok etmoqdamiz. Moliyaviy barqarorlikni ta’minlovchi sug‘urta tizimini joriy etish va qishloq xo‘jaligi sohasini yanada rivojlantirish muhim tashabbuslar qatoridadir. Mazkur tizimni rivojlantirishda “Semurg Insurance" kompaniyasining xalqaro va mahalliy ekspertlari faol ishtirok etmoqda. Mamlakatimiz iqtisodiy yuksalishiga salmoqli hissa qo‘shayotganimizdan faxrlanamiz”.